Biteganijwe ko ubukungu bw’u Rwanda buziyongera kugera kuri 7% mu 2024, buvuye kuri 6.3 mu 2023, bikazashyira u Rwanda ku mwanya wa mbere muri Afurika y’Iburasirazuba ndetse no ku mwanya wa gatatu mu bihugu bya Afurika bifite amahirwe menshi yo kuzamuka mu bukungu.
Ibi bikubiye muri raporo y’Umuryango w’Abibumbye iheruka gukorwa ku ‘Ubukungu bw’isi muri 2024, aho ivuga ko umuvuduko w’ Ubukungu uzihuta ku kigero cya 2,4 %.
Umunyamabanga mukuru w’umuryango w’abibumbye, Antà³nio Guterres, yagize ati: “2024 igomba kuba umwaka wo gukora cyane. Dufunguye ishoramari rinini kandi rigali dushobora guteza imbere iterambere rirambye n’ibikorwa by’ikirere, kandi tugashyira ubukungu bw’isi ku nzira ikomeye yo kuzamuka kuri bose. ”
Muri rusange, biteganijwe ko Afurika y’Iburasirazuba izamuka ry’ubukungu ari 5.5 % mu 2024, buvuye kuri gatanu ku ijana mu 2023.Ni mu gihe biteganijwe ko ifaranga rizagabanuka kuva kuri 13.5% muri 2023 rikagera kuri 10.5 % muri 2024 na 8.5 ku ijana. muri 2025.
Nk’uko raporo ibigaragaza, mu bihugu icumi bya mbere bya Afurika biteganijwe ko ubukungu buziyongera cyane.u Rwanda ruza ku mwanya wa gatatu nyuma ya Libiya na Senegali hamwe na 7.6 na 9.2%.
Ubwiyongere bw’ubukungu nk’igipimo cy’umusaruro rusange w’imbere mu gihugu (GDP) hitawe ku gaciro k’isoko ry’ibicuruzwa byose na serivisi byarangiye bikorerwa mu gihugu mu gihe runaka kandi ni amanota y’ubuzima bw’igihugu mu bukungu.
