Abanyasomaliya basaga 100 bari bamaze igihe bafungiwe muri Ethiopia ariko bakaza kurekurwa bageze iwabo kuri uyu wa Gatandatu nk’uko byemezwa n’ubuyobozi bwa Somalia.
Abayobozi b’iki gihugu bavuga ko izo mbohe 114 zari zifungiwe muri gereza zo muri Ethiopia zishinjwa ibyaha bitandukanye birimo kwinjira muri iki gihugu mu buryo bunyuranyije n’amategeko.
[xyz-ihs snippet=”google-pub”]
Bwana Jamaludin Mustafa Omar, ambasaderi wa Ethiopia muri Somalia, wari kumwe n’izi mbohe ziva muri Ethiopia, yatangaje ko iki ari igikorwa kigaragaza ubucuti buri hagati y’ibihugu byombi nk’uko iyi nkuru dukesha VOA ikomeza ivuga.
Irekurwa ry’aba ngo rikaba rije nyuma y’ibiganiro hagati ya Minisitiri w’Intebe wa Somalia, Hassan Ali Khayre na mugenzi we wo muri Ethiopia, Hailemariam Desalegn, byabereye mu nama ya 29 y’abakuru b’ibihugu bigize Afurika Yunze Ubumwe iherutse kubera I Addis Abeba muri Ethiopia.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
