Ikipe y’Igihugu ya Nigeria n’iya Côte D’Ivoire zageze ku mukino wa nyuma wa w’Igikombe cy’Afurika nyuma yo gutsinda amakipe byahuriye muri1/2 zikegukana intsinzi.
Nigeria yageze kuri Finale nyuma yo gutsinda Afurika y’Epfo penaliti 4-2, ubwo amakipe yombi yari anganyije igitego 1-1 mu minota 120, naho Côte D’Ivoire itsinda itsinda Repubulika Iharanira Demokarasi ya Congo igitego 1-0.
Kuri uyu mukino wa Nigeria na Afurika y’Epfo, watangiye amakipe yombi yigana ,ariko mu gice cya kabiri,Nigeria itangira gusatira bikomeye ariko uburyo Ademola Lookman na Victor Osimhen babonaga ntibubyare umusaruro.
Osimhen yongeye kuzamukana umupira, ategerwa mu rubuga rw’amahina, umusifuzi atanga penaliti. Yinjijwe neza na Kapiteni William Troost-Ekong atsinda igitego cya mbere cya Nigeria ku munota wa 67.
Nyuma Nigeria yaje kubona igitego cya kabiri ariko umusifuzi aza kwitabaza VAR, asanga ahubwo Afurika Y’Epfo yari yakorewe ikosa atanga Penaliti.
Yinjijwe neza na Teboho Mokoena yishyura igitego ku munota wa 90. Umukino warangiye amakipe yombi anganya igitego 1-1 hashyirwaho iminota 30 yinyongera yarangiye ntagihindutse nibwo hitabazwaga Penaliti birangira Nigeria yinjije 4 kuri 2 za Afurika y’Epfo.
Ku mukino wakurikiyeho ahagana saa 22h00, Côte d’Ivoire yakinnye na RDC mu mukino wishiraniro.
Umukino warangiye Côte d’Ivoire yatsinze Repubulika Iharanira Demokarasi ya Congo igitego 1-0 isanga Nigeria ku mukino wa nyuma.
Umukino wanyuma uzahuza aya makipe uteganyijwe kuri iki Cyumweru taliki 10 Gashyangare 2024 sayine z’ijoro.Ni mu gihe ku wa Gagatandatu hazakinwa umukino wo guhatanira umwanya wa Gatatu.
