Ishyirahamwe ry’Umupira w’amaguru muri Sudani ryandikiye Ferwafa riyisaba kwemerera Sharaf Eldin Shaiboub Ali Abdelrahman wahamagawe mu ikipe y’igihugu cye , kwitabira imikino gifite muri uku kwezi kwa Werurwe.
Mu ibaruwa federasiyo ya Sudani yandikiwe Umunyabanga Mukuru wa Ferwafa, yasabye ko uyu mukinnyi yemererwa kwitabira imikino ya gicuti ikipe y’igihugu cye izahuriramo n’Ibirwa bya Comores tariki ya 22 Werurwe 2024 na Botswana bazakina ku wa 26 Werurwe.
Biteganyijwe ko iyi mikino yose izabera muri Maroc mu rwego rwo kwitegura imikino yo gushaka itike y’igikombe cya Afurika 2025.
Uyu mukinnyi ukina afasha ba rutahizamu gusatira yanyuze mu makipe arimo Simba Sports Club yo muri Tanzania, Al-Merrikh ndetse na Al Hilal Sports Club y’iwabo muri Sudani.
Yaje muri APR FC nyuma y’uko atsinze Kiyovu Sports mu mpuzamashyirahamwe y’umupira w’amaguruĂ‚Â kuĂ‚Â IsiĂ‚Â (FIFA).
Shiboub yakiniye ikipe ye y’igihugu ya Sudani y’abatarengeje imyaka 23 muri 2015 nyuma yongera guhamagarwa mu y’abakuru muri 2019.
