Abanyarwanda baba muri Uganda kimwe n’abandi muri diaspora kuri iki Cyumweru, itariki 14 Nyakanga 2024, bazindukiye kuri Ambasade y’u Rwanda muri iki gihugu i Kampala aho batoreye Perezida wa Repubulika n’Abadepite bazaba bagize Inteko Ishinga Amategeko.
Ambasade y’u Rwanda muri Kenya yatangaje ko Abanyarwanda bahatuye bitabiriye amatora ari benshi kuko ifoto yafashwe Saa yine n’iminota 28, igaragaza ko abitabiriye amatora bari batonze umurongo kandi ari benshi.
Abatuye muri Kenya bavuze ko bishimiye uburenganzira mboneragihugu bafite, aho bihitiramo gutora ubuyobozi kandi ko ari amahitamo yabo.
Abanyarwanda baba muri Tanzania barimo Abakinnyi ba APR FC bitabiriye imikino ya CECAFA Kagame Cup i Dar es Salaam barimo Ruhamyankiko Yvan, Nshimiyimana Yunussu, Ishimwe Pierre na Kategaya Elie batoreye kuri Ambasade y’u Rwanda muri iki gihugu.
