Ku gicamunsi cyo kuri uyu wa 29 Ukwakira 2024, mu Nteko Ishinga amategeko mu nama ihuriweho n’Imitwe yombi yakiriye kandi ishima raporo yatanzwe n’Urwego rw’igihugu rw’imiyoborere, RGB aho rwatanze raporo y’ibikorwa by’umwaka wa 2023/2024 na gahunda y’ibikorwa bya 2024/2025.
Muri iyi raporo ni naho hagaragajwe uko uturere dukurikirana mu bijyanye n’uko abaturage babona imiyoborere n’imitangire ya serivisi,aho ku mwanya wa nyuma hari akarere ka Musanze ku kigero cya 70.9% mu gihe ku mwanya wa Mbere ufitwe n’akarere ka Huye ku kigero cya 84.5%.
Muri iyi raporo kandi, umutekano niwo uza ku isonga,mu byinshimirwa n’abaturage ku kigero cya 91,3% naho serivise z’ubuhinzi zishimirwa ku kigero cyo hasi cya 61,5%.
