Abarwanyi bitwaje intwaro bo mu mutwe wa FDLR baraye ku mugoroba wo kuri uyu wa Gatatu tariki ya 11 Ukwakira bivuganye abaturage barimo n’umupolisindetse banasahura inka zitagira ingano mu Burasirazuba bwa Repubulika iharanira Demokarasi ya Kongo.
[xyz-ihs snippet=”google-pub”]
Ikinyamakuru Voix d’Afrique dukesha iyi nkuru riravuga ko umuvugizi w’itangazamakuru, Guillaume Ndjike Kaiko yavuze ko uyu mutwe wiraye muri Kivu ya ruguru mu gace kitwa Bwiza ikaba yivuganyeyo abatari bacye barimo n’abo mu nzego z’umutekano za RDC ndetse bakaniba inka.
Yakomeje avuga ko aba barwanyi bibasiye cyane ibiro bya polisi ariko umwe akaba ari we wahasize ubuzima, mu gihe hagiye hagaragara imirambo y’abasivili menshi bishwe na bo hirya no hino mu gace.
Iki kinyamakuru kivuga ko hamaze gutoragurwa imirambo 5 y’abasivile, uw’umupolisi n’undi w’umukozi mu kigo cy’igihugu gishinzwe uburezi hamwe n’amashyo y’inka.
Guhera mu myaka 20 ishize, mu mashyamba ya RDCongo ahahana imbibe n’ibihugu birimo Uganda, u Rwanda, u Burundi ndetse na Tanzania haranzwe n’imvururu z’abarwanyi birwaje intwaro, rimwe na rimwe zakubitwa inshuro zigahungira muri bimwe muri ibi bihugu.
[xyz-ihs snippet=”google-pub”]
Kuwa mbere w’iki cyumweru na none, abandi bazungu 2 baguye mu gitero cyagabwe mu duce duhana imbibe na uganda, bishwe n’ingabo zo mu murtwe wa ADF, uyu mutwe ukaba na none wari wivuganye ababarirwa muri 22 mu mpera z’icyumweru yashize, nk’uko bitangazwa n’ingabo za Monusco muri Kongo.
Guhera mu mwaka wa 2000, abarwanyi ba FDLR bakwirakwiriye mu ntara ya Nord-Kivu ndetse no mu Burasirazuba bwa Sud-Kivu aho baranzwe no kwica abaturage biganjemo abasivili.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
