Kuwa 12 Mata 1994 Abatutsi barenga 6,000 bari bahungiye kuri Paruwasi ya Musha bishwe n’Interahamwe zifatanyije n’abasirikare ba Leta. Uyu munsi kandi Interahamwe zishe Abatutsi barenga 350 muri Komine Bicumbi.
12 Mata 1994: Abatutsi bari bahungiye kuri Kiliziya ya Kabarondo n’iya Mukarange muri Kayonza barishwe. Hishwe kandi abatutsi benshi mu kigo Iwacu Kabusunzu n’i Mageragere ku biro bya Komine Butamwa. Hanishwe kandi Abatutsi bari bahungiye kuri Centre ya Birembo muri Bumbogo.
Interahamwe zakomeje kwica abatutsi muri Gisenyi, Cyangugu, Butare no mu mujyi wa Kigali.
Kuwa 12 Mata 1994 Abatutsi biciwe mu kigo Iwacu ku Kabusunzu muri Nyakabanda na Mageragere, ahari ku biro bya komini Butamwa, ubu ni mu murenge wa Mageragere.
Kuri iyi tariki kandi Abatutsi bari bahungiye ku kiliziya ya Mukarange no mu nkengero zayo, barishwe barashira.
Abatutsi bari bahungiye ku kiliziya ya Kabarondo (mu karere ka Kayonza), barishwe bose.
Abatutsi bari bahungiye Rwinkwavu (mu karere ka Kayonza) mu mazu y’abazungu bacukuraga amatini, barishwe kuri iyi tariki.
Abatutsi kandi kuri iyi tariki biciwe ahitwa Gisizi na Gasamba kuri Nyabarongo mu cyahoze ari komini Kayenzi ubu akaba ari mu karere ka Kamonyi. Abatutsi bari bahungiye ku ishuri ribanza rya Kagirwamana muri Bumbogo, nabo barishwe.
Kuwa 12 Mata 1994 Abasilikare n’Interahamwe bishe abatutsi bari bahungiye kuri Centre de Sante ya Jali, ubu ni mu murenge wa Jali. Bari bizeye ko abasirikare babarindira umutekano, kuko hari hegereye ikigo cya gisirikare. Babica bavuga ngo bagire vuba kuko Ingabo za FPR-Inkotanyi zari zigeze Kabuye.
Abatutsi bari bahungiye kuri Centre ya Birembo muri Bumbogo, barishwe, kimwe n’abari bahungiye i Kayenzi ku rusengero rw’Itorero ADEPR, mu karere ka Bugesera, bishwe bose.
Kanda kuri SUBSCRIBE ujye ubona ibiganiro n’indirimbo bishya
