Ba Visi perezida icyenda babaye ba perezida igihe perezida wari usanzwe yabaga apfuye cyangwa avuye ku mirimo ye manda ye itarangiye. Abandi batandatu batsindiye manda zabo nka perezida ubuyobozi bwari buriho burangije manda yabwo.
John Adams: Uyu niwe visi Perezida wa Mbere muri Leta Zunze Ubumwe za Amerika watsindiye manda ye mu matora yo mu 1796 nyuma y’aho George Washington afatiye icyemezo cyo kutazahatanira manda ya gatatu.
Thomas Jefferson: Jefferson yatorewe kuba Visi Perezida mu 1796 ngo afatanye kwiyamamaza na Adams. Mu 1800, yahanganye mu matora na Adams aramutsinda.
Martin van Buren: Van Buren yabaye visi perezida wa Andrew Jackson, atsinda amatora ya perezida yo mu 1836 nyuma y’aho Jackson ahisemo guhatanira manda ya gatatu.
John Tyler: John Tyler yatowe nka visi perezida wa William Henry Harrison, ariko aba ari we urangiza manda nka perezida nyuma y’aho Harrison apfuye mu 1841 mu kwezi kwa mbere kwa manda ye.
Millard Fillmore: Fillmore yabaye perezida nyuma y’aho Perezida Zachary Taylor apfuye ari ku butegetsi mu 1850.
Andrew Johnson: Andrew Johnson nawe yagiye ku butegetsi nyuma y’iyicwa rya Abraham Lincoln mu 1865.
Chester A. Arthur: Chester Arthur yabaye perezida nyuma y’aho perezida James Garfield yishwe mu 1881.
Theodore Roosevelt: Teddy Roosevelt yagiye ku butegetsi nyuma y’iyicwa rya William McKinley mu 1901.
Calvin Coolidge: Coolidge yabaye Perezida nyuma y’aho Perezida Warren G. Harding apfuye ari ku buyobozi mu 1923.
Harry S. Truman: Truman yabaye visi perezida wa gatatu wa Franklin D. Roosevelt. Yabaye perezida nyuma y’aho manda ya kane ya Roosevelt yari iri mu ntangiriro, mu 1945, agapfa azize uburwayi.
Richard Nixon: Nixon yabaye visi perezida wa Dwight Eisenhower. Nyuma yo gutsindwa na John F. Kennedy mu 1960, Nixon yongeye kwiyamamaza mu 1968 atsindira manda ye nka perezida.
Lyndon Johnson: Nyuma y’igihe kirekire muri Sena, Lyndon B. Johnson yabaye visi perezida wa John F. Kennedy, aza kuba perezida asimbura Kennedy nyuma y’iyicwa rye mu 1963.
Gerald Ford: Gerald Ford ntabwo yari ku itike ya Richard Nixon, ariko yabaye visi perezida nyuma yo kwegura kwa Spiro Agnew mu 1973. Ubwo Nixon nawe yeguraga, Ford yahise aba perezida.
George H.W. Bush: Bush yabaye visi perezida wa Ronald Reagan, nyuma atsindira manda ye nka perezida nyuma ya Reagan mu 1988.
Joe Biden: Biden yabaye visi perezida wa Barack Obama imyaka 8, mbere yo gutsindira manda ye mu 2020 atsinze Donald Trump washakaga manda ya kabiri.
