Minisitiri w’Ubuzima, Dr. Sabin Nsanzimana, yasabye ababyeyi kutohereza ku mashuri abana bafite ibicurane kugira ngo bakumirwe ikwirakwira ry’iyi ndwara mu gihe imburagihe yagiye yiyongera mu gihugu.
Mu kiganiro yagiranye na RBA, Dr. Sabin yavuze ko koko ibicurane byabaye byinshi muri iyi minsi, ariko ashimangira ko ari ibintu bisanzwe bibaho cyane mu bihe by’imvura kuva mu kwezi kwa Nzeri kugeza mu Kuboza, ndetse no hagati ya Gashyantare na Werurwe.
Yasobanuye ko ibicurane biterwa na virusi ya influenza ikunze kuboneka mu myanya y’ubuhumekero, ati: “Iyi virusi irasanzwe, nta nshya yaragutse, kandi nta cyorezo gishya gihari.”
Avuga ko impamvu hari abarwara bakamara igihe kinini batarakira ari uko rimwe na rimwe virusi ibamo na bagiteri bigatuma umuriro uzamuka, uburwayi bukiyongera.
Yaburiye abantu kwirinda kwirengagiza ibicurane kuko bishobora kugira ingaruka ku bantu bafite ubudahangarwa buke, abasaba kongera imyitwarire myiza yo kwirinda baremeye igihe cya COVID-19 nko gukaraba intoki no kwambara agapfukamunwa igihe umuntu arwaye.
Dr. Sabin yavuze ko ibigo by’amashuri biri mu byibasiwe cyane kuko abana baba bakina begeranye, bigatuma ubwandu bwiyongera.
Yongeraho ati: “Dusaba ababyeyi kureka abana bagakirira mu rugo mbere yo kubasubiza ku ishuri, kuko bagenda banduza abandi bikavamo abaremba.”
Minisiteri y’Ubuzima ivuga ko mu bitaro hamaze kwiyongera 20% by’abarwayi b’ibicurane kandi hakaba hitezwe ko imibare izakomeza kuzamuka mu Ukuboza.
