Ambasade y’u Bufaransa muri Ethiopia yasabye Abafaransa bari muri iki gihugu kukivamo vuba na bwangu, bitewe n’intambara ikomeje kuba hagati y’ingabo za Leta n’imitwe yitwaje intwaro.
Mu butumwa yabageneye kuri uyu wa 23 Ugushyingo 2021 ibinyujije kuri email nk’uko Radio Mpuzamahanga y’Abafaransa ibivuga, iyi Ambasade yagize iti: “Abafaransa bose basabwe kuva mu gihugu nta gukererwa.”
Isabye Abafaransa kuva muri Ethiopia mu gihe iyi mitwe yitwaje intwaro bivugwa ko isatira umurwa mukuru, Addis Ababa, igamije guhirika ubutegetsi bwa Minisitiri w’Intebe Abiy Ahmed wiyemeje kujya ku rugamba, agafatanya n’ingabo guhangana nayo.
Iyi ntambara yatangiye mu Gushyingo 2021, ikomeje gutuma ibihugu bimwe na bimwe bikura abaturage muri iki gihugu, ku bw’umutekano wabo. Ibindi birabaha amabwiriza y’uko bagomba kwitwara, kugira hatagira ikibahungabanya.
Ifoto: Ambasaderi w’u Bufaransa muri Ethiopia, Rémi Maréchaux
