Abakozi b’uruganda rw’amata rwa ‘Haji’ bose bavuye mu kato, rwongera gufungura

Sangiza iyi nkuru

Abakozi 29 b’uruganda rwa ‘Haji’ rutunganyiriza amata mu Murenge wa Busasamana mu Karere ka Nyanza ndetse na nyirarwo, Havugimana Saidi bavuye mu kato ka Covid-19 kuri uyu wa 8 Kamena 2020.

Nyir’uruganda (Entreprise) Havugimana uzwi nka ‘Haji’ yatangarije bwiza.com ko koko bavuye mu kato, muri site y’ishuri ry’ubumenyi rya Nyanza, ESN (Ecôle des Sciences de Nyanza) bajyanwemo tariki ya 5 Kamena 2020.

Bose uko ari 30 bavuyemo nta kibazo kibagaragayeho? Havugimana yagize ati: “Twese nta kibazo twari dufite.”

Kuva uruganda rwa ‘Haji’ ndetse n’inzu z’ubucuruzi zarwo byafungwa, ubu imirimo yongeye gusubukurwa.

Uru ruganda rubarizwa iruhande rw’umuhanda wa Kigali-Huye-Kamembe, ubusanzwe rwakira abakiriya biganjemo Abanyarwanda, Abarundi n’Abakongomani, bigakekwa ko impamvu rwari rwarafunzwe abakozi bagashyirwa mu kato, ari uko rwakoranye cyane n’Abanyarusizi mbere y’uko ako Karere kagaragaramo abanduye Covid-19.