Abayobozi ba Israel bavuga ko abantu batatu baguye mu gitero cyagabwe ku mupaka uhuza Ubwami bwa Yorodaniya na West Bank.
Igisirikare cya Israel (IDF) cyavuze ko abenegihugu batatu ba Israel baguye mu irasa ryambukiranyije ikiraro cya Allenby.
IDF yavuze ko uwagabye igitero yegereye ako gace avuye ku ruhande rwa Yorodaniya mu gikamyo, hanyuma arasohoka ararasa.
Abashinzwe umutekano “bishe” umuntu witwaje imbunda kandi IDF iri kugenzura ikamyo ireba niba nta bisasu bitezemo nk’uko itangazo ryasohowe rivuga.
Abaganga bavuze ko batatu bishwe ari abagabo bari mu kigero cy’imyaka 50, nk’uko bitangazwa n’ibitangazamakuru byo muri Israel.
Yorodaniya ivuga ko yafunze uruhande rwayo rw’umupaka kandi ko iri gukora iperereza ku byabaye, byabereye mu gace kagenzurwa na Israel aho imodoka ziva muri Yorodaniya zipakurura ibicuruzwa byinjira muri West Bank.
Minisiteri y’ubuzima ya Palesitine ivuga ko Abanyapalestine barenga 600 bamaze kwicirwa mu rugomo rwadutse muri West Bank kuva Hamas yagaba igitero kuri Israel ku itariki 7 Ukwakira 2023 ndetse n’intambara yakurikiye muri Gaza.
