Urubuga rwa World Ometers rutanga amakuru agezweho ku cyorezo cya Covid-19 yaraye saa tatu n’iminota 8 z’iki gitondo rwerekanye ko abantu 1,611,863 bamaze kwicwa n’icyorezo cya Covid-19 ku Isi yose.
Muri aba bose, Leta Zunze Ubumwe za Amerika (USA) zibasiwe cyane, zimaze gupfiramo abarenga 305,082, Brazil igarukiriraho n’abapfuye barenga 181,143, u Buhinde bukagira 143,055, Mexique, u Bwongereza, u Butaliyani, u Bufaransa na Iran bikaba bibarirwa mu mfu hagati y’57,761 n’113,704.
Abamaze kwandura iki cyorezo ku Isi barenga 72,122,793 barimo 16,549,366 bo muri USA nk’uko World Ometers ibyerekana. U Buhinde buza ku mwanya wa kabiri n’abarwayi 9,857,380, Brazil ku wa gatatu n’abarwayi 6,880,595, hagakurikiraho u Burusiya, u Bufaransa, u Bwongereza n’u Butaliyani.
Imibare mishya ku cyorezo cya Covid-19
