Ikipe y’Abanyamakuru b’i mikino mu Rwanda, AJSPOR yatsinze ikipe y’Ishyirahamwe ry’Umukino wa Karate kuri penaliti 4-3, nyuma yo kunganya 0-0 mu minota 70 y’umukino.
Uyu mukino wabereye mu Bugesera aho wari ugamije ubusabane hagati y’impande zombi.
Ku ruhande rwa Karate, bakinanye ubuhanga aho Muvandimwe Jean Marie ukina mu cyiciro cya mbere na Ndayishimiye Eric Bakame bagoye AJSPOR.
Nubwo bimeze bityo, AJSPOR iyobowe na Ndacyayisenga Hubert yaje gutsinda penaliti z’ingenzi binyuze kuri Mugaragu David, Jado Max, Kagame Frank, na Kigeli Patrick.
AJSPOR yegukanye igikombe ndetse inahabwa sheke y’ibihumbi 100 Frw, naho ikipe ya Karate itahana ibihumbi 50 Frw.
