Abanyamakuru bo mu Rwanda nabo kuri uyu wa Mbere bari mu bantu batangiye guhabwa urukingo rwa Covid-19 barimo n’abarimu bo muri kaminuza n’abacuruzi ba rimwe mu masoko yo mu nkengero z’umujyi wa Kigali.
Abacuruzi babarirwa mu 1500 bo mu Gakiriro, mu masoko ya Gahanga na Karembure nibo bahawe urukingo rwa Covid-19 mu gikorwa cyabereye mu isoko rya Gahanga.
Usibye aba, hanakingiwe abanyamakuru n’abarimu bo muri kaminuza, aho bamwe mu banyamakuru bakingiwe bahawe urukingo rwa Pfizer nk’uko byemejwe n’umunyamakuru wa BBC ukorera i Kigali.
Minisiteri y’ubuzima ivuga ko abantu barenze 257,000 mu Rwanda bamaze gukingirwa Covid-19 mu gihe gukingira bikomeje hibandwa ku cyiciro cy’abarusha abandi ibyago byo kwandura.
Kuri iki cyumweru gishize, itariki 14 Werurwe, abashoferi b’amakamyo na bus bagera kuri 750 nabo bahawe urukingo rwa Covid-19 mu Mujyi wa Kigali mu gikorwa cyabereye kuri Stade Amahoro, kuko imirimo bakora ituma bahura n’abantu benshi.
Kurikira ibiganiro n’amavidewo binyura kuri Bwiza TV
