Air Force One itwara Perezida wa Leta Zunze Ubumwe za Amerika bishoboka ko ari imwe mu ndege zizwi cyane ku Isi, ariko ni ba nde bayitwara? bisaba ubuhanga bwihariye bwo gutwara perezida? Ibi nibyo tugiye kurebera hamwe twifashishije aerocorner.com.
Indege Air Force One itwarwa n’abaderevu babiri b’igisirikare kirwanira mu kirere cya Amerika, bazwi ku izina rya “Presidential Pilot” n’umwungirije uzwi nka “Deputy Presidential Pilot”. Gusa, buri gihe haba hari umuderevu wa gatatu, mu gihe umwe muri abo babiri yagira ikibazo.
Aba bapilote baturuka muri 89th Airlift Wing y’ubuyobozi bw’igisirikare kirwanira mu kirere cya Amerika buzwi nka “USAF Air Mobility Command”, iri akaba ari ishami rikuru ry’indege rya gisirikare. Batangiye gukora muri ubwo buryo kuva mu 1966, igihe baragwa izi nshingano zivuye kuri “1254th Transport Transport Wing”.
Hari abaderevu benshi mu bisanzwe bahabwa inshingano zo gutwara umukuru w’igihugu basimburana mu mwaka kugirango bemererwe ibiruhuko cyangwa izindi gahunda zihutirwa. Kubera impamvu z’umutekano w’igihugu, amazina yabo ararindwa cyane iyo bagikora iyi mirimo.
Indege ebyiri zamamaye za Boeing 747-200Bs ntabwo arizo ndege zonyine zikoreshwa na 89th Airlift Wing. Hariizindi zigera kuri 15 za business zikoreshwa mu gutwara abadepite n’abasenateri n’abandi bantu b’ingenzi cyane (VIPs). Uyu mutwe utwaa izi ndege uba uhuze cyane kuko ukora ubutumwa burenga 6.500 bugana n’amasaha 12,000 y’ingendo buri mwaka.
89th Airlift Wing igizwe n’abakozi barenga 1100, muri bo hakaba harimo abaderevu 80 n’abakozi 89 bakora mu ndege (flight attendants). Aba bafite icyicaro ku Birindiro bya Gisirikare byitiriwe Andrews muri Maryland, kandi buri muntu ugize uyu mutwe atoranyirizwa kuwinjiramo aturutse mu wundi mutwe w’igisirikare cyo mu kirere.
Kugirango utoranywe mu kwinjira muri uyu mutwe, ugomba kuba umaze kguruka n’indege byibuze amasaha 2500, kandi ibyo ni mbere y’uko wegera ahantu aho ari ho hose hafi yo gutwara perezida!
Abapilote ba Air Force One baba bafite igipimo cyo hejuru cyo kwiringirwa mu kirere. Col. Christopher Thompson avuga ko ibi ari “kubera ko duha akazi abeza gusa mu gukorera muri 89th Airlift Wing, kandi buri wese mu banu bacu bo mu kirere yiyemeza kunoza akazi ke”.
Ni gute uhinduka Umupilote utwara Perezida
Abaderevu bashinzwe gutwara perezida bagize itsinda rya Presidential Airlift Group (PAG). Iri tsinda rikorera muri 89th Airlift Wing. Abaderevu baryo ni inararibonye cyane, kandi ni abasirikare bakuru. Mubisanzwe, baba bafite ipeti rya Liyetona-Koloneli cyangwa Koloneli, umwanya usaba imyaka 22 y’umurimo mu Gisirikare cyo mu kirere cya Amerika (USAF), niba itarenga.
89th Airlift Wing iheruka mu 2015 kugaragaza ibisabwa ushaka kuyiniramo
