Ikigo cy’Igihugu gishinzwe Imiyoborere mu Rwanda (RGB) cyabwiye abagize inteko ishinga amategeko, kuri uyu wa Gatatu, itariki ya 1 Ugushyingo 2023, ko abarenga 75 ku ijana mu bashumba b’Itorero ry’Abapentekote mu Rwanda (ADEPR) bafite urwego rw’amashuri abanza gusa.
Umuyobozi mukuru wa RGB, Usta Kaitesi, yahishuye urwego rw’ubumenyi bw’abapasiteri ba ADEPR ubwo yamurikaga raporo y’ibikorwa bya RGB mu mwaka wa 2022/23.
Ati: “Twasuzumye ubushobozi bw’abashumba b’itorero rya ADEPR dusanga bagifite urugendo rurerure mu bijyanye n’ivugurura. Kugeza ubu, abarenga 75 ku ijana by’abapasitori ba ADEPR bafite urwego rw’amashuri abanza gusa “.
Yavuze ko abapasitori barenga 1.000 birukanwe, batarangije n’amashuri abanza.
Yavuze ati: “Nta bushobozi busabwa bafite bwo kuyobora amatorero yabo.”
Yavuze ko hari andi matorero afite ibibazo nk’ibyo.
Ati: “Twabanje kwibanda kuri ADEPR kuri iyi nshuro kuko ifite abizera miliyoni 2.8 akaba ari umubare munini w’Abanyarwanda, kuri ubu ikoresha abakozi barenga 4000. Turashaka kubaka itorero kugira ngo rigire ubuyobozi n’ubushobozi bukomeye. ” Akomeza avuga ko amavugurura azakomeza.
Iperereza ku mikorere y’amatorero ya pentekote, ADEPR, mu 2020, ryerekanye ko imiyoborere mibi ari yo nyirabayazana y’amakimbirane akomeje kuba muri iryo torero.
Ati: “Ubuyobozi bwa ADEPR bwaranenzwe bityo twirukana abayobozi, duhagarika abayobozi, kandi dushyiraho komite y’agateganyo. Twahaye abayobozi gushyiraho amategeko n’inzego z’itorero. Bibaye ku nshuro ya gatatu ibibazo nk’ibi bibera muri ADEPR. Niyo mpamvu twohereje itsinda ryo gusesengura ibiri inyuma y’amakimbirane ”.
Mu 2022, Ishyirahamwe ry’Amatorero ya Pentekote mu Rwanda (ADEPR) ryashyizeho abayobozi bashya ku rwego rw’igihugu, rivuga ko ryakoze ku bibazo byakunze guteza ibibazo muri iryo torero.
Itegeko rivuga ko amashyirahamwe yose, ashingiye ku kwizera agomba kuyoborwa n’abarangije tewolojiya cyangwa bitabaye ibyo ntibemererwe gukora. Iri tegeko ryatangiye gukurikizwa mu gukumira ubuyobozi bubi mu matorero, nk’uko bitangazwa n’Ikigo cy’Igihugu cy’imiyoborere mu Rwanda ari nacyo gishinzwe gukurikirana imiryango ishingiye ku kwizera.
8 Responses
Abashumba b’itorero rya ADEPR basaga 75% barangije amashuri abanza gusa – RGB
Mumbarize Kayitesi muti:ababohoje kino gihugu bari ku mirongo y’imbere mu ntambara bari barize angahe?umuntu utarize umupimira hehe?niba aba ba Pasteurs barabwirije ubutumwa bwiza (babwirizaga abanyarwanda mu Kinyarwanda)abantu bagahindukirira YESU bakababatiza bafatanije bakubaka insengero nyinshi mu gihugu ibyo nibyo bigaragaza(ubuswa) kutiga?RGB ya Kayitesi kubambura agaciro bakabita abadashoboye niyo nyigisho ibereye RGB yahisemo?Aya mateka yo kwambura abantu ubu-muntu
ntazasibangana kdi birimo guhishuuka.
Abashumba b’itorero rya ADEPR basaga 75% barangije amashuri abanza gusa – RGB
Mu by’ukuri iyo tubona amakimbirane ari mu matorero n’inzira abashaka ibisubizo banyuramo birahabanye cyane.
None se mwibwira ko icyitwa amatorero y’Umwuka ayoborwa n’ubwenge bwo mu ikayi??
Ubu se abari kwirirwa bashuka abantu kubazanira amaturo ngo babasengere ni ukubera ko batize thologie??
Njya mbona ADEPR ariyo iryoheye buri wese kuvugaho.
Kuba ADEPR iri gutungurana mu kubamo ibi bibazo byose,ni ukubera ko ubu iyobowe n’abize imibare na phisique,kongeraho ko bize n’indimi.
Aba basaza muvuga ko batize,nibo batumye hakirimo abakirisitu bakijijwe,bikomeje gutya mu myaka iri imbere ADEPR yazaba iyobowe n’abatinganyi,kuko ayo mashuri muvuga ni aha aganisha.
Rero imiyoborere y’amadini muyitandukanye no kuyobora Company,cyangwa ikigo runaka.
Bibaye byiza abanyapolitike bareka kwinjira mu madini,kuko ntabwo bizahura na rimwe.
Abashumba b’itorero rya ADEPR basaga 75% barangije amashuri abanza gusa – RGB
Nge mbona bombori bombori ihora muri ADEPR ituruka kugushaka keigwizaho imitungo kw’abayobozi bayo hagashyizweho itsinda rikurikirana imicungire y’amafaranga ikindi abakontabure babo bagenzurwa nande si babandi batazi audit
Nihabeho gushyiraho inzego ariko zirebererwa na Leta mu mikoreshereje y’imitungo
Nibitaba ibyo ibyari ubukristu bizahinduka ubupagani
Abashumba b’itorero rya ADEPR basaga 75% barangije amashuri abanza gusa – RGB
Kwiga nibyiza ariko mbona rwose hari aba pasteur kuyobora binanira kandi barize
Abashumba b’itorero rya ADEPR basaga 75% barangije amashuri abanza gusa – RGB
Dr Ustha n’avuge ibyo ashaka yicaye ku ntebe ya zahabu,ariko imvugo-nyandagazi nayo ntigaragaza PhD yitirirwa,kuko kuvuga ko umuryango wiyubashye nka ADEPR yafashe bugwate kubera umutungo wawo akwiriye no kongeraho ko abasaza bayiremye ar’abaswa.harya Dr Papa wawe sogokuru cg sogokuruza bize angahe?ubwo wemeje ko ntacyo bari bamaze?abarasaniye kino gihugu ku mirongo y’imbere bagatsinda ukicara ahashashe bize angahe?ubu amateka y’iki gihugu n’aka kanya umurengwe uguteye kuyibagirwa?guteza umwuka mubi muri ADEPR ngo muze mwitwaje gutabara muhafate ntibyigaragaza?ubu wakwirukana so na nyoko mu mitungo yabo ngo ntibize?kwiga n’iki kdi uwize yigaragaza ate?bariya batinganyi mwatangiye kuzana ngo baduhumanyirize itorero nibwo bwenge?kwirukana abavunikiye itorero mukabashajisha nabi nizo PhD mwize?tubagaya kurenza uko mubitekereza kdi amarira yacu(abasaza)Imana izayahorera,ayo magambo nk’aya Nebukadineza yabwiraga Hezekiah ntazagenda gutyo.
Abashumba b’itorero rya ADEPR basaga 75% barangije amashuri abanza gusa – RGB
Nibyo, Itorero rifitemo abantu benshi bize Kandi bafite n’impano yo kuyobora hari n’abayobozi bashobora gukomeza kwiga Bafashwe kurangiza amashuri akenewe,buhoro buhoro mugihe Kiri imbere iki kibazo kizakemuka. Murakoze!
Abashumba b’itorero rya ADEPR basaga 75% barangije amashuri abanza gusa – RGB
Ni ngombwa ko Itorero riyoborwa n’abantu bize nibura kuva kuri secondary kugeza kuri kaminuza,nibwo rizatera imbere vuba cyane ko harimo urubyiruko rwinshi rwize rurimo no kwiga ,ntiwabahagarara imbere ngo bazakumve babona utazi gusoma no kwandika neza! Gusa abo bayobozi bize bagomba kuba buzuye Umwuka Wera ,bafite imbuto nziza za gikiristo, kuko na none ubumenyi gusa butayobora Itorero ! Nibibande ku mashuri ariko batibagiwe no gukurikirana imbuto zubukirisyo ! Ikindi Kandi bishobotse bagabanya ariya matorero yo hasi kuko hari amato cyane Kandi yegeranye bagafashe bakayahuriza hamwe kugira ngo agire ingufu Leta yakomeza gukurikirana imikoreshereze y’umutungokuko ari uwabanyarwanda,nkarimwe mu mwaka audith yayo ikanyuramo ikareba ,Ikindi rero kuba ayo mavugurura yo muri ADEPR atarakorewe rimwe ibibazo buracyarimo hasi hariya mu midugudu cg amatorero shingiro
Abashumba b’itorero rya ADEPR basaga 75% barangije amashuri abanza gusa – RGB
njye mbona ibibazo biba muri ADEPR ntabwo biterwa nuko harimo abatarajyeze school wp,ahubwo ninda zabaye zinini mubantu bose baba bashaka kwigwiza imitungo yabayoboke babo nkaho bagafashije abakene bari muribo bakigurira amamodoka ,kuko bibaye ko bayobora batarize bikazamba ,no muri leta nta bombori bombori yagaragaramo, kand baba bana fite za Doctora