Leta zunze ubumwe za Amerika nk’igihugu cy’igihangange, kiza no ku isonga mu bihugu bifite igisirikare gikomeye ku isi, imyitozo abasirikare bacyo bahabwa iba irimo n’iyo kwica ndetse no kunywa amaraso y’inzoka z’ubumara (cobra).
Aba basirikare barwanira mu mazi bahabwa imyitozo yo kunywa amaraso y’ inzoka ndetse no kuruma ibindi binyabuzima byo mu ishyamba bakoreshe amenyo yabo, batagombye gukoresha ibyuma cyangwa ibindi bikoresho byo ku rugamba.
Nk’uko bitangazwa n’ikinyamakuru dailymaily dukesha iyi nkuru n’amafoto, ngo iyi myitozo ihabwa aba basirikare ibafasha mu rugamba rwo gutinyuka bahangana n’ibinyabuzima byo mu ishyamba ari nako bahangana n’umwanzi.
Iyi myitozo rusange bajya kuyifatira mu mashyamba yo mu gihugu cya Thailand, rimwe na rimwe ikitabirwa n’abasirikare ibihumbi bisaga 13 baba baturutse mu bihugu bitandukanye byo ku isi.
Ugukomera kw’igisirikare cya Amerika ngo bituruka ku myitozo idasanzwe abasirikare bahabwa ku buryo itapfa gukorwa n’abandi basirikare bo mu bindi bihugu.
Amenyo yabo ni imwe mu ntwaro baba bitwaje dore ko batozwa guca ijosi ry’inkoko ariyo bakoresheje (ifoto ibigaragaza hasi).
Mu ngengo y’imari ya buri mwaka, Leta zunze ubumwe za Amerika zikoresha miliyari 612.5 z’amadolari ya Amerika mu bikorwa bya gisirikare, aya mafaranga bakoresha n’ubwo wateranya ay’ibindi bihugu 9 biyikurikira ntabwo byayagezaho.
(Uburusiya, Ubushinwa, Ubuhinde, Ubufaransa, Ubwongereza, Ubudage, Turkey, Koreya y’Epfo, Japon) ibi bihugu bishyirwa ku rutonde rw’ibihugu bifite igisirikare gikomeye mu rutonde rwasohotse 2015.
Ikinyamakuru wonderslist kigaragaza urwo rutonde rw’ibihugu bifite igisirikare gikomeye ku isi, ni nacyo gitangaza ko n’ubwo wateranya amafaranga y’ibyo bihugu byose uko ari 9 bikoresha ku mwaka; ko atagera ku mafaranga USA ikoresha mu gisirikare cyayo mu mwaka umwe.
ANDI MAFOTO:
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com
