Uyu munsi, Minisitiri w’ububanyi n’amahanga, Vincent biruta, afatanije na Minisitiri w’ubutabera, Eugene Ugirashebuja, hamwe n’abayobozi bakuru muri Guverinoma y’u Rwanda, bakiriye intumwa za komite y’inteko ishinga amategeko y’u Bwongereza ishinzwe uburenganzira bwa muntu mu nama hagati y’ibihugu byombi ku bufatanye mu bijyanye n’ibibazo by’abimukira n’iterambere ry’ubukungu (MEDP).
Ibiganiro bigamije guteza imbere kumva ibintu kimwe no gusobanura ingingo z’ingenzi zo gushyira mu bikorwa amasezerano ajyanye no kwita ku bimukira yashyizweho umukono mu Kuboza gushize.
