Rtd Col Dr Kiiza Besigye, umwe mu bagabo bigeze guhangana bikomeye na Perezida Kaguta Museveni mu matora, yatawe muri yombi kuri uyu wa 12 Gicurasi, hafi y’iwe i Kasangati mu Mujyi wa Kampala. Uyu mugabo w’imyaka 66 akaba mu ishyaka Forum for Democratic Change, FDC, yafashwe na polisi ya Uganda, ubwo yari agiye mu myigaragambyo yamagana ” Izamuka ridafututse ry’ibiciro.” nk’uko ibinyamakuru byo muri Uganda bibitangaza. Besigye akunze gutabwa muri yombi ari mu myigaragambyo ku ngingo zimwe na zimwe atumvikanaho n’ubutegetsi bwa Museveni. Ni umwe mu banyepolitiki batavuga rumwe na Leta bafunzwe inshuro nyinshi kuva yatangira guhangana byeruye na NRM ya Museveni. Amafoto: @Chimpreports
