Indege za kajugujugu z’ingabo z’u Rwanda zirwanira mu kirere, RAF (Rwanda Air Force) ziri kwifashishwa mu kugeza inkingo za Covid-19 mu duce tumwe na tumwe tw’igihugu.
Izi ndege zamaze kugera mu Karere ka Burera no mu Karere ka Huye, bikaba biteganyijwe ko zoherezwa no mu tundi turere imodoka zageramo bitinze.
Minisiteri y’Ubuzima yatangarije kuri Twitter ko izi ndege zirifashishwa mu kugeza izi nkingo mu turere 14 tw’igihugu, aho byagorana ko imodoka zazihageza mu buryo bwihuse.
Helicopters from @RwandaMoD & @RwandaPolice now delivering COVID-19 vaccines to remote parts of 14 different Districts. They will be picked up by District hospitals for distribution to area health centres. All vaccine shots will be administered within 48 hours starting Friday. pic.twitter.com/adUGvyTW2g
— Ministry of Health | Rwanda (@RwandaHealth) March 4, 2021
U Rwanda rwakiriye inkingo 342,000 kuri uyu wa 3 Werurwe 2021 zirimo 240,000 za Astra Zeneca n’102,000 za Pfizer BioNTech. Biteganyijwe ko zose zirara zigeze mu gihugu hose kuri uyu wa 4 Werurwe, gahunda yo gukingira itangire kuri uyu wa 5 Werurwe.
Ubwo iyi ndege yageraga ku kibuga cy’indege gito cya Ngoma muri Huye
Yakiriwe n’abayobozi ndetse n’abashinzwe umutekano
Iyi ndege yagezaga inkingo mu Karere ka Burera
Kurikira ibiganiro n’amavidewo binyura kuri Bwiza TV
