Ku munsi wa kabiri w’ibikorwa byo kwiyamamaza, umukandida w’Umuryango wa RPF-Inkotanyi yageze mu Karere ka Rubavu kuri iki Cyumweru, aho ahura n’ibihumbi n’ibihumbi by’abamushyigikiye mu rwego rwo kubagezaho imigabo n’imigambi ye muri iyi manda iri imbere akeneye ko bamutorera mu matora yo muri Nyakanga .
Ni igikorwa cyitabiriwe n’ibihumbi n’ibihumbi by’abaturage baturutse mu bice bitandukanye by’uturere twa Rubavu, Rutsiro, na Nyabihu, aho babukereye bagiye kwifatanya n’umukandida Paul Kagame wa RPF-Inkotanyi.
Paul Kagame akaba yakomereje ibikorwa byo kwiyamamaza mu Karere ka Rubavu nyuma y’aho kuri uyu wa Gatandatu, itariki 22 Kamena 2024, yabitangiriye ku mugaragaro mu Karere ka Musanze, aho yagiranye ibihe byiza n’’ibihumbi bisaga 350,000 by’abaturage bari bagiye kwifatanya na we.
