Abakinnyi bagera kuri 31 bakina mu ikipe y’igihugu Amavubi bagiye kongera gukorerwa ibizamini by’imibiri ya bo ku nshuro ya kabiri, iri suzuma rikaba rizabera kuri Stade Amahoro muri uku kwezi kwa Gicurasi.
Iri suzuma rizaba rigamije kureba uko ubuzima bwa bamwe mu bakinnyi buhagaze mu bijyanye n’umuvuduko wa bo n’ibindi bishobora kubabangamira mu gihe bari mu kibuga, rikaba rije rikurikira iriherutse gukorwa ryari ryitabiriwe n’abagera kuri 40.
[xyz-ihs snippet=”google-pub”]
Ibi biri gukorwa mu gihe u Rwanda rwamaze kwemererwa kuzitabira irushanwa ry’igikombe nyafurika rya AFCON 2019, rukaba ruri no mu itsinda H kimwe na Cote d’Ivoire, Guinea ndetse na Repubulika ya Centrafrica. Ikipe Amavubi ikaba yaratangiye kwitabira bene iri rushanwa guhera muri 2004 mu gihugu cya Tunisia.
Abakinnyi 31 bagomba kwitabira iri suzuma barimo abo mu makipe atandukanye yo mu Rwanda bakaba ari aba bakurikira ndetse n’amakipe babarizwamo
APR FC: Rusheshangonga Michel, Imanishimwe Emmanuel, Usengimana Faustin, Nsabimana Aimable, Mukunzi Yannick, Hakizimana Muhadjiri, Bizimana Djihad, Nkizingabo Fiston, Sibomana Patrick and Nshimiyimana Amran
Rayon Sports: Manzi Thierry, Nshuti Dominique Savio, Niyonzima Olivier and Manishimwe Djabel
Police Fc: Mpozembizi Mohamed, Ngendahimana Eric, Mico Justin, Muvandimwe Jean Marie Vianney and Usengimana Dany
Mukura VS: Niyonzima Ally and Habimana Yussuf
Bugesera Fc: Rucogoza Aimable, Iradukunda Bertrand and Nzabanita David
AS Kigali: Kayumba Soter, Bishira Latif, Mubumbyi Barnabe and Iradukunda Eric
Musanze Fc : Niyonkuru Ramadhan
Pepiniere Fc: Mugisha Gilbert
Espoir Fc: Mbogo Ally
[xyz-ihs snippet=”google-pub”]
Nyuma gato y’uko aba bakinnyi bakorewe isuzuma, hazaba gukora urutonde rw’abakinnyi bazitabira irushanwa ry’igikombe nyafurika riteganyijwe muri 2019, iri rushanwa rikaba rizabanzirizwa n’imikino itandukanye izahuza ibihugu byo ku mugabane, aho u Rwanda ruzahura na Centrafrica mu mukino uteganyijwe mu kwezi kwa kamena ku itariki ya 11 uyu mwaka.
Biteganyijwe kandi ko ibi bizamini by’abakinnyi bizatangwa ku itariki ya 24 Gicurasi uyu mwaka.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
