Ikipe y’igihugu y’u Rwanda Amavubi iri kwitegura imikino y’ijonjora ryo gushaka itike y’igikombe cy’Isi 2026 yerekeje mu gihugu cya Côte d’Ivoire aho izakinira umukino na Benin wo gushaka iyo itike.
Mu gicuku cyo kuri uyu wa Mbere tariki 3 Kamena 2024 nibwo Abakinnyi b’Amavubi bafashe indege ibakura ku kibuga cy’indege i Kanombe iberekeza i Abidjan.
Abakinnyi 21 muri 25 nibo hahagurutse mu Rwanda berekeza i Abidjan muri Côte d’Ivoire, ni mu gihe abandi bakinnyi 4 aribo; Imanishimwe Emmanuel Mangwende, Mutsinzi Ange, Mugisha Bonheur, Rafael na York bo bari buhurire n’abandi i Abidjan muri Côte d’Ivoire maze ubundi muri rusange bahite baba abakinnyi 25 nk’uko batoranyijwe n’umutoza w’Amavubi,Frank Spittler Torsten abakuye muri 37 yari yahamagaye muri rusange nyuma yuko abandi 12 basezerewe.
Nk’uko byari byatangajwe ku munsi w’ejo myugariro, Rwatubyaye Abdul we yasigaye kubera ikibazo cy’imvune mu gihe Jojea Kwizera ukina muri Rhode Island FC yo mu Cyiciro cya Kabiri muri Leta Zunze Ubumwe za Amerika we yajyanye n’abandi atari yahamagawe gusa akaba yarongewemo nyuma ndetse akaba ari n’ubwambere ahamagawe mu Mavubi.
Ikipe y’igihugu iri buce Addis Ababa ubundi ikagera muri Côte d’Ivoire saa sita z’Amanywa kuri uyu wa Mbere aho izakirirwa na Bénin tariki ya 6 Kamena mu gihe undi mukino izawakirwamo na Lesotho muri Afurika y’Epfo tariki ya 11 Kamena 2024 mu gushaka itike y’igikombe cy’Isi cya 2026.
Mu itsinda C ririmo u Rwanda, Afurika y’Epfo, Nigeria, Zimbabwe, Lesotho na Benin, Amavubi niyo ayoboye n’amanota ane nyuma yo gutsinda umukino umwe ndetse akanganya undi. 
One Response
Amavubi yahagurutse i Kigali igicuku cyinishye
Ndashima abakinnyi bakinira ikip yigihug y,urwanda kobitwayeneza cyane pe! Kuraje mukomeze kuba 1 nihazagire uturya imbere mbakurikiriye inyabihu vunga%