Ikipe y’Igihugu ‘Amavubi’ yaraye itangiye umwiherero, yitegura imikino ibiri ya gicuti igomba guhuriramo n’iya Repubulika ya Centrafrique.
Amavubi azakina na Centrafrique hagati y’itariki ya 4 n’iya 7 Kamena 2021 kuri Stade Amahoro i Remera, mu rwego rwo kwitegura imikino yo gushaka itike y’Igikombe cy’Isi cya 2022 kizabera muri Qatar u Rwanda rugomba gukina na Mali na Kenya muri Nzeri.
Ku gicamunsi cy’Ejo ku wa Kane ni bwo abakinnyi b’Amavubi bageze kuri Hoteli La Parisse y’i Nyamata, babanza gupimwa icyorezo cya COVID-19 mbere yo gutangira umwiherero.
Ni umwiherero witabiriwe n’abakinnyi bakina muri shampiyona y’u Rwanda, mu gihe hagitegerejwe ko abakina hanze y’igihugu barekurwa n’amakipe yabo.
Amavubi mu ijonjora ryo gushaka itike y’Igikombe cy’Isi ari kumwe n’Imisambi ya Uganda, Harambee Stars ya Kenya na Les Aigles du Mali.
Amafoto: @Amavubi Stars
Kurikira ibiganiro n’amavidewo binyura kuri Bwiza TV
