Kuri uyu wa Gatatu, itariki 20 Gicurasi 2026, i Vatikani, mbere yo gushyikiriza Umushumba wa Kiliziya Gatorika, Papa Leo XIV, impapuro zimwemerera guhagararira u Rwanda i Vatican, Ambasaderi w’u Rwanda wagenwe na leta, Urujeni Bakuramutsa, yabonanye na Cardinal Pietro Parolin, Umunyamabanga wa Leta, nyuma yo gushyikiriza kopi z’ibyangombwa bye Arkiyepiskopi Paul Richard Gallagher, Umunyamabanga ushinzwe Umubano n’Ibihugu n’Imiryango Mpuzamahanga.
Mu ntangiriro z’iki cyumweru, Ambasaderi Urujeni yahuye kandi na Arkiyepiskopi Paolo Rudelli, wungirije umunyamabanga wa Leta, na Musenyeri Javier Domingo Fernández, umuyobozi wa protocole.
Ibiganiro byibanze ku kurushaho gushimangira umubano umaze igihe hagati yu Rwanda na Vatikani.
