Minisitiri w’Ubuzima muri Uganda, Dr Jane Ruth Aceng yatangarije rubanda y’Abanya-Uganda ko uzafatwa atambaye agapfukamunwa azajya ahita afungwa akamara amezi abiri muri gereza ku bwo kwica amabwiriza yo kwirinda Coronavirus.
Iki gihano kirareba kandi abitabira ikivunge cy’abantu n’abagenda kuri moto (boda boda) bahekanye.
Ibi ni bimwe mu byagarutsweho ubwo Dr Aceng yagezaga ku gihugu uko minisiteri ayoboye ihagaze mu guhangana na Coronavirus.
Muganga Aceng avuga ko iri bwiriza rishya rizakurikizwa muri iki gihe Uganda iri muri Guma mu Rugo.
Ubusanzwe nta gihano cyari gihari ku muntu wafatwa atambaye agapfukamunwa. Muri Uganda Coronavirus iragarika ingongo bitewe n’ubwoko bushya bwayo bwahageze.
Abategetsi bavuga ko mu murwa mukuru Kampala, ubwandu bwagabanutseho 50%.
Kurikira ibiganiro n’amavidewo binyura kuri Bwiza TV->https://www.youtube.com/channel/UC_Wx4Sy2IawVLtp5-QMRhnQ]
