Irushanwa ry’Imikino ya gisirikare ku rwego rw’isi ( CISM World Summer Games 2019) ryatangijwe kuri uyu wa 18 Ukwakira mu mugi wa Wuhan mu Bushinwa. Riri kuba ku nshuro ya karindwi kuva ryatangira mu 1995.
Iri rushanwa ritegurwa n’Akanama Mpuzamahanga k’Imikino ya Gisirikare, CISM/IMSC (International Military Sports Council), ryitabiriwe n’abasirikare basaga ibihumbi icyenda (9000) baturuka mu bihugu 109 harimo n’u Rwanda.
Imikino ingabo z’u Rwanda zizitabira irimo kwiruka, Taekwondo, Beach Volley no kurasa.
Ku wa 15 Ukwakira ni bwo u Rwanda rwohereje abakinnyi 18 bagiye baherekejwe na Brig. Gen. Jean Bosco Ngiruwonsanga usanzwe aba muri aka kanama.
Iri rushanwa riba inshuro imwe mu myaka ine. Ingabo z’u Rwanda ziryitabiriye ku nshuro ya gatatu.
Aya ni amwe mu mafoto yaranze umunsi irushanwa ryafunguriweho:
