Ange Sebutege w’imyaka 36 yatorewe kuyobora akarere ka Huye kari mu Ntara y’Amajyepfo, akaba agiye kuyobora aka karere nyuma y’iyegura rya Meya Kayiranga Muzuka Eugene n’abari bamwungirije, ryabaye ukwezi gishize.
Ni mu matora yabaye kuri uyu wa Gatanu tariki ya 29 Kamena 2018, aho Ange Sebutege yatowe ku majwi 225 kuri 278 y’abatoye. Akaba yahise anarahirira inshingano yahawe zo kuyobora aka karere kari kamaze iminsi kayoborwa by’agateganyo na Veneranda Uwamariya.
Ange Sebutege akomoka muri aka karere agiye kuyobora, akaba yari asanzwe ari umuyobozi w’ishami rishinzwe Itangwa rya Service mu Kigo gishinzwe abinjira n’abasohoka mu Rwanda.
