Ikipe ya APR FC yananiwe kubona amanota bwa mbere Muri shampiyona ya 2021/2022, nyuma yo kunganya na Etincelles FC 0-0.
Hari mu mukino w’ikirarane amakipe yombi yakabaye yarahuriyemo ku munsi wa gatatu wa shampiyona, gusa ntiwakinwa kuko iriya kipe y’ingabo z’igihugu yari mu marushanwa nyafurika.
APR FC yakoze ibishoboka byose ngo ibone igitego mu izamu rya Etincelles yari ku mwanya wa nyuma, gusa uburyo abakinnyi bayo bagiye babona ntibabubyaza umusaruro.
Etincelles FC yashoboraga kubona igitego mu minota ya nyuma y’umukino, gusa coup-franc yayo igonga umutambiko w’izamu.
Kunganya na Etincelles byatumye APR ifata umwanya wa gatanu n’amanota 10, mbere yo guhura na Gasogi United ku wa 26 Ukuboza.
