Kuri uyu wa kane taliki ya 27 Kanama nibwo habaye tombola y’amatsinda agize irushanwa rya UEFA Champions League ry’umwaka wa 2015-2016, amakipe 32 azitabira irushanwa rya Champions League yashyizwe mu matsinda 8 maze Manchester United na Arsenal zisanga mu matsinda y’urupfu.
Mu makipe 4 yo mu gihugu cy’ubwongereza Manchester United ndetse na Arsenal zisanze mu matsinda y’urupfu mu gihe Chelsea na Manchester City zagiye mu makipe atazisumba cyane mu bushobozi.
Manchester United iri mu itsinda B, iri kumwe n’amakipe ya PSV Eindhoven yo mu gihugu cya Netherlands, CSKA Mosko yo mu Burusiya na Wolfsburg yo mu Budage.
Aya makipe akaba ari amakipe akunze kugira cyane iyi kipe ndetse bigaragara ko ari mu rwego rumwe ndetse amwe anayisubya ku bushobozi.
Iyi kipe kuzatambuka muri iri tsinda bizayisaba ingufu nyinshi cyane kuko aya makipe nayo atoroshye.
Arsenal nayo iri mu itsinda F iri kumwe n’amakipe ya Bayern Munich yo mu gihugu cy’uBudage,Olympiacos yo mu Bugereki na Dynamo Zabreg yo mu gihugu cya Croatia.
Mu yandi matsinda amakipe yibumbiyemo,mu itsinda A harimo amakipe ya Paris Saint Germain,Real Madrid , Shakhtar Donetsk,na Malmචyo muri SUEDE.
Mu Itsinda C harimo amakipe ya Benefica yo muri Portugal , Atlético Madrid yo muri Esipanye , Galatasaray yo muri Turukiya na Astana yo muri Kazakstan.
Mu itsinda D harimo amakipe ya Juventus yo mu Butariyani , Manshester City yo mu bwongereza, Sevilla yo muri Esipanye,na Borussia Mà¶nchengladbach yo mu Budage.
Itsinda E ririmo amakipe ya Barcelona yo muri Esipanye,Bayern Leverkusen yo yo mu budage , AS Roma yo mu Butaliyani na Bate yo muri Beralus.
Itsinda G rigizwe n’amakipe ya Chelsea yo mu Bwongereza , Porto yo muri Portugal ,Dynamo Kyiv yo muri Ukraine na M.Tel-Aviv yo muri Israel naho itsinda rya nyuma rya H rigizwe n’amakipe ya Zenith yo mu Burusiya, Valencia yo muri Esipanye , Lyon yo mu Bufaransa ndetse na Gent yo mu Bubiligi.
UEFA ni irushanwa ryo ku mugabane w’ uburayi rihuza amakipe yabaye ayambere iwayo,rikaba ryarashinzwe mu mwaka w’1854,muri uyu mwaka rikaba rizaba rikinwa ku nshuro ya 61.
Kanda hano ujye ubona amakuru yihuse kandi kugihe kuri Facebook no kuri twitter
Shimirwa Palemon/Bwiza.com
