Umunya-Uganda Benjamin Kiplagat wakinaga umukino wo gusiganwa ku maguru, yiciwe muri Kenya atewe ibyuma.
Kiplagat yaserukiye Uganda inshuro eshatu mu mikino Olympique.
Nko muri 2012 uyu mugabo wari ufite imyaka 34 y’amavuko yageze muri ½ cy’irangiza mu mikino Olympique yaberaga i Londres mu Bwongereza, mu gusiganwa ku maguru muri metero 3,000.
Ibitangazamakuru byo muri Kenya biravuga ko yasanzwe mu modoka afite ibikomere by’ibyuma mu ijosi no mu gituza.
Umurambo we wabonetse hafi y’Umujyi wa Eldoret usanzwe witorezwamo n’abakinnyi bakina imikino ngororamubiri.
Polisi ya Kenya yatangaje ko yamaze gutangiza iperereza ku rupfu rwe.
Ni urupfu rwashenguye aba-athletes bo hirya no hino ku Isi bagaragaje ko bababajwe cyane n’urupfu rwa Kiplagat.
