Kuva ku Cyumweru tariki ya 24 Ugushyingo 2019, amakuru akomeje gukwirakwizwa ku mbuga nkoranyambaga na bimwe mu binyamakuru, avuga ko Joy Agaba, mushiki wa Gen Fred Gisa Rwigema yasanzwe mu nzu yapfuye.
Nk’uko bamwe bagiye babitangaza ku mbuga nkoranyambaga, ngo Joy yitabye Imana mu ijoro ryo ku wa Gatanu tariki 22 rishyira ku wa Gatandatu tariki 23 Ugushyingo 2019.
Amakuru avuga kandi ko uyu mugore yari atuye mu Mujyi wa Kigali, ngo akaba yari afite abana batatu.
Umuvugizi w’Urwego rw’Ubugenzacyaha (RIB), Umuhoza Marie Michelle, ku murongo wa Telefoni ubwo Bwiza.com yamubazaga ko baba bamenye aya makuru, yasubije agira ati “Ayo makuru ntabwo RIB iyazi”.
