Kuri uyu wa Gatandatu, itariki 2 Ugushyingo2024, Minisiteri y’ububanyi n’amahanga ya Boliviya yashinje abashyigikiye uwahoze ari Perezida, Evo Morales, kuba barafashe bugwate abasirikare barenga 200.
Abigaragambyaga batangiye gufunga imihanda mu byumweru bitatu bishize kugirango babuze ifatwa rya Morales ku byo akomeza avuga ko ari ibirego bishingiye kuri politiki.
Minisiteri y’ububanyi n’amahanga ya Bolivia yavuze ko ku wa Gatanu imitwe itatu ya gisirikare yo mu ntara ya Chapare rwagati “yagabweho igitero n’imitwe idasanzwe”.
Minisiteri yavuze ko aba bagizi ba nabi batwaye “ingwate z’abasirikare barenga 200” mu birindiro bitatu, yongeraho ko “bafashe intwaro n’amasasu” nk’uko tubikesha Deutsche Welle.
Minisiteri yavuze ko ifunguye imiryango ku biganiro n’inzego zose z’igihugu ariko ikomeza iburira ko inzira “idashobora gushyirwaho mu gihe abaturage ba Bolivia bakomeje kwibasirwa n’iyo mitwe idashishikajwe n’ubukungu bw’igihugu kandi bukunzwe, kandi ushaka gusa guharanira inyungu bwite mu matora z’uwahoze ari perezida. ”
Guverinoma yari yohereje ingabo muri ako gace mu ntara ya Cochabamba kugira ngo zifashe abapolisi gukuraho bariyeri zashyizweho n’abigaragambyaga.
