Kuri uyu wa Kane, igitero cyagabwe ku mutwe wa gisirikare mu burasirazuba bwa Burkina Faso cyahitanye abasirikare 33 abandi 12 barakomereka, nk’uko guverinoma iyobowe n’ingabo ibivuga, mu gihe hakomeje urugomo muri iki gihugu cyibasiwe n’imitwe y’abajihadiste .
Igitero cyo mu gitondo cyo kuri uyu wa Kane ushize cyibasiye itsinda rya gisirikare rikrera Ougarou, mu karere ko mu burasirazuba bwa Burkina Faso.
Igisirikare cyavuze mu itangazo ko abasirikare bari bagooswe nabo bishe byibuze “abaterabwoba” 40 mbere y’uko bagenzi babo bahagera nk’uko iyi nuru dukesha Reuters ivuga.
Burkina Faso ni kimwe mu bihugu byinshi byo muri Afurika y’Iburengerazuba bihanganye n’inyeshyamba zigendera ku matwara akakaye ya kisilamu zakwirakwiye no mu baturanyi muri Mali mu myaka isaga icumi ishize, zimaze guhitana abantu ibihumbi n’ibihumbi zigakura mu byabo abasaga miliyoni 2.
Mu mezi ashize ubugizi bwa nabi bwiyongeye muri iki gihugu mu gihe abayobozi bakigowe no kugarura umutekano nubwo ibikorwa byo gucunga umutekano byongerewe ingufu.
Hagati aho ingabo z’igihugu nazo zishinjwa kwica abaturage mu buryo butarobanuye mu bikorwa byo kurwanya inyeshyamba.
