Kuri uyu wa Mbere ushize, umuvugizi wa guverinoma yavuze ko Burkina Faso yatangaje Umuhuzabikorwa w’Umuryango w’Abibumbye, Carol Flore-Smereczniak, nk’umuntu utagifite ikaze (persona non grata) kubera raporo yagizemo uruhare ivuga ko hari ihohoterwa rikorerwa abana muri iki gihugu cya Afurika y’iburengerazuba.
Abayobozi ba Burkina Faso bavuga ko batagize uruhare mu itegurwa rya raporo y’Umuryango w’Abibumbye, yiswe “Abana n’intambara yitwaje intwaro muri Burkinafaso”, cyangwa ngo bamenyeshwe imyanzuro y’ubushakashatsi mbere yo gutangazwa, nk’uko umuvugizi wa guverinoma yabitangaje.
Umuvugizi w’Umuryango w’Abibumbye, Stephane Dujarric, yatangaje na we, kuwa Mbere, ko Umuryango w’Abibumbye wababajwe n’iki cyemezo nk’uko iyi nkuru dukesha Reuters ivuga.
Ati: “Uyu muryango uhabwa amahirwe n’ubudahangarwa, harimo n’uburenganzira ku bakozi bawo bwo kuguma muri Burkinafaso kugira ngo bakore imirimo yabo mu izina ry’uyu muryango”.
Guverinoma yashinje Umuryango w’Abibumbye gutangaza ibintu bidafite ishingiro no kuvuga ibinyoma muri raporo, utiriwe ukora iperereza cyangwa ngo ugendere ku byemezo by’urukiko.
2 Responses
Burkina ni abagabo kabisa.
Vive le pays des hommes intègres.
Ariko aba bakoloni bigize ibiki koko?
Ngo ubudahangarwa n’uburenganzira bwo kuguma muri Burkina badakorwaho!
Mbega agasuzuguro!
Babareke babasenyere igihugu? Iyaba babirukanaga bose ahubwo.
Abanya Afrika bandi bo ni ba “indiyo bwana” kubera ruswa bahabwa.
ibi bintu narimbizi ku Rwanda gusa byo kwirukana izi mbwa