Polisi yo mu Burundi kuri uyu wa 14 Ukuboza 2020 yatabaye abagore n’abakobwa 101 bari bagiye gucuruzwa mu bihugu bya Saudi Arabia, Oman ba Qatar.
Yabasanze mu mujyi wa Bujumbura, mu gace ka Buterere, ahazwi nka Quartier Miroir, Minisiteri y’Itumanaho ikavuga ko bari bambuwe uburyo bwose bwari kubafasha kuvugana n’abari hanze y’aho bari bashyizwe.
Iyi Minisiteri kandi yatangaje ko abantu babiri bakekwaho gushaka gucuruza aba bagore n’abakobwa bamaze gutabwa muri yombi, imiryango y’aba batabawe yose na yo ikaba yahamagawe kugira ngo ijye kubafata.
Iyo ikiremwamuntu cyane cyane gicurujwe, gikoreshwa ibirimo imirimo y’uburetwa, gusambanywa ku gahato birimo no kugirwa umucakara w’ubusambanyi, gushyingirwa ku gahato n’ibindi bijyanye no guhonyora uburenganzira bw’ikiremwamuntu.
