Abagore b’abasirikare n’abapolisi bo ku rwego rwa ba Jenerali na ba Colonel mu Burundi, biganje mu nteko ishinga amategeko nshya ya kiriya gihugu.
Inteko icyuye igihe yari igizwe n’amashyaka arimo CNDD-FDD, CNL na UPRONA.
Itegeko risanzwe riyigenga rivuga ko biro yayo igomba kugirwa n’abantu batatu bo mu mashyaka atandukanye, hashingiwe ku itegekoshinga ry’igihugu.
Kuri ubu mu nteko nshya, biro yose igizwe n’abaturuka mu ishyaka CNDD-FDD riri ku butegetsi.
Inteko Ishinga Amategeko y’uyu munsi igizwe n’abadepite 111, aba CNDD-FDD barimo ni 108; ibituma Abarundi benshi bagaragaza ko icyizere bafitiye iriya nteko ku myanzuro izafata ari gike.
Abenshi mu badepite ba CNDD-FDD kandi utari umugore w’umusirikare cyangwa umupolisi ukomeye, usanga ari inshuti ya hafi ya bamwe mu bayobozi bayoboye igihugu.
Mu bamaze kumenyekana harimo Boussessia Nkezimana, Visi-Perezida wa kabiri w’Inteko Ishinga Amategeko y’u Burundi. Uyu ni umugore w’Umunyamabanga Mukuru wa CNDD-FDD akanaba umwe mu basirikare bakomeye mu Burundi, Réverien Ndikuriyo.
Depite Alice Nitunga we ni umugore wa Lieutenant-GĂ©nĂ©ral Silas Ntigurirwa ushinzwe ibijyanye n’igisirikare mu biro bya Perezida Evariste Ndayishimiye, na ho Hakizimana Marie Odette we akaba ari umugore wa GĂ©nĂ©ral de Brigade de Police Emmanuel Ndayiziga usanzwe ari umunyamabanga mu rwego rw’igihugu rushinzwe ubutasi (SNR).
Undi ni Depite PĂ©tronie Bucumi usanzwe ari umugore wa GĂ©nĂ©ral-Major Nduwumunsi Audace ‘Goliath’; inshuti magara ya Perezida Evariste Ndayishimiye kuri ubu uyoboye ingabo zo mu bihugu byo muri Afurika yo hagati (FOMAC), mu gihe Depite DĂ©nise Kamere ari umugore wa Gen. Alexandre Muyenge muri iki gihe uyobora Ishyirahamwe ry’Umupira w’Amaguru mu Burundi.
Depite Nshutinamagara Francine we ni umugore wa Col. Domitien Niyonkuru uyobora iperereza ry’imbere mu gihugu, na ho Valence Kaneza we akaba ari musaza wa madamu wa Perezida Ndayishimiye, Angeline Ndayubaha Ndayishimiye.
