Abantu barindwi bahitanwe n’impanuka y’imodoka yabereye muri Komini Buyengero, abandi 12 bakaba bahakomerekeye.
Amakuru yemejwe n’umuvugizi w’igipolisi cy’u Burundi, Pierre Nkurikiye, avuga ko iyo mpanuka yabaye ku wa mbere tariki ya 2 Ukwakira 2017, ahitwa i Mudende, komini Buyengero, Intara ya Rumonge.
Akomeza avuga ko yari imodoka ‘Isuzu’ yavaga ahitwa Kabumburi igana mu murwa mukuru w’Intara ya Rumonge, igeze mu ikorosi riri mu birometero 2 uvuye Kabumburi irenga umuhanda 6 bahita bapfa, undi umwe aza kugwa ku bitaro.
[xyz-ihs snippet=”google-pub”]
Nkurikiye avuga ko abandi bantu 12 bakomeretse barimo kwitabwaho mu bitaro, mu bapfuye hakaba harimo n’umushoferi wari uyitwaye, mu gihe icyaba cyateye impanuka kitaramenyekana.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philippe/Bwiza.com
