DGPR

Kwamamaza

Kwamamaza

Burundi: Abantu bataramenyekana bishe abantu 23

0

Mu ijoro ryo ku wa Gatanu tariki ya 11 Gicurasi 2018, abantu bataramenyekana bishe abantu 23 mu Burasirazuba bw’Amajyaruguru y’u Burundi.

Umwe mu bayobozi b’u Burundi ikinyamakuru AFP dukesha iyi nkuru kitatangaje izina, yavuze ko bakeka ko umubare w’abishwe ushobora kwiyongera.

Yagize ati “dufite abantu 23 bishwe, barimo abagabo, abagore n’abagabo, umubare ushobora kwiyongera mu gihe dukomeje gushaka abandi bakorewe ubwo bwicanyi”.

Avuga ko abo bantu bagiye mu ngo z’abaturage bakamisha amasasu mu bo basanzemo, abandi bakicishwa ibyuma mu Ntara ya Cibitoke, ikora ku mupaka w’u Rwanda ndetse n’uwa Repubulika Iharanira Demokarasi ya Congo.

Ati “ Abicanyi bajyaga mu rugo ku rundi, bica banangiza buri kimwe cyose, byari biteye ubwoba; bamwe basogoswe ibyuma, abandi bararaswa, hari n’umuryango watwikiwe mu nzu ari bazima”.

Abaturage bo muri aka gace batangaza ko abo bicanyi baturutse muri Congo, ubu iperereza rikaba ririmo gukorwa ngo hamenyekane aba bari inyuma ubwo bwicanyi.

Ibi bibaye mu gihe mu Burundi biteguye amatora ya kamarampaka azaba ku wa 17 Gicurasi 2018.

Kanda kuri SUBSCRIBE ujye ubona ibiganiro n’indirimbo bishya

Tanga igitekerezo cyawe

Your email address will not be published.