Muri Gereza y’urwego rushinzwe iperereza i Bujumbura hafungiye abasirikare batanu b’u Burundi barimo na Col Jean Baptiste Miruho uzwi ku izina rya Miros, wanahoze ari umurwanyi w’inyeshyamba za CNDD FDD mbere y’uko ifata igihugu.
Bafashwe ku wa Kane tariki ya Mbere Ukuboza, Amakuru bo bitangariza mu gihe Leta nta kintu yari yabitangazaho, ngo nuko bashinjwa gushaka guhungabanya umutekano wa zimwe mu nzego za Leta.
[xyz-ihs snippet=”google-pub”]
Undi musirikare uri muri aba 5 bafashwe uzwi ni Nestor Bahati nawe uzwi ku izina rya “à§a dépend”.
Aba basirikare batawe muri yombi baje basanga na Col Dieudonné Dushimagize nawe mu minsi mike ishize yafashwe abanza gufungirwa muri iyi gereza y’urwego rushinzwe iperereza, nyuma ajyanwa mu iya Mpimba nawe ashinjwa gushaka guhungabanya umutekano w’igihugu, nk’umuvugizi wa Polisi,OP1 Pierre Nkurikiye yabitangaje.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
