Kuva ku wa Gatanu w’icyumweru gishize byatangazwaga ko Major Ernest Nimubona, umuyobozi mu gisirikare cy’u Burundi, yaburiwe irengero, none ku mugoroba wo kuri iki Cyumweru tariki ya 30 Kamena 2019, yagaragaye ari muzima.
Nk’uko SOS Medias Burundi yari yabitangarijwe n’umuryango wa Major Ernest Nimubona, usanzwe akora mu buyobozi bukuru bwa gisirikare (Etat Major), ngo mu ijoro ryo ku wa Gatanu tariki ya 28 Kamena 2019, nibwo yabuze. Ku bufatanye n’inshuti ze za hafi, bakaba barashakishije ahantu hose bacyekaga ariko bahebye.
Ku gicamunsi cyo ku Cyumweru nibwo yabonetse, umwe mu nshuti ze za hafi akaba yatangarije iki kinyamakuru ko yabonetse ari muzima ariko aho yari ari hakaba hatamenyekana. KANDA HANO USOME INKURU BIFITANYE ISANO
