Ikipe ya AS Kigali ihagarariye u Rwanda muri CAF Confederation Cup, yatomboye Club Sportif Sfaxien yo muri Tunisia mu ijonjora rya nyuma rya ririya rushanwa.
Ni nyuma ya tombora y’uko amakipe agomba guhura mu ijonjora rya nyuma rya ririya rushanwa yabereye i Cairo mu Misiri.
AS Kigali mu ijonjora ry’ibanze yari yasezereye Orapa United yo muri Botswana, mbere yo gusezerera KCCA FC yo muri Uganda mu ijonjora rya kabiri ibifashijwemo n’igitego cyo hanze.
Club Sportif Sfaxien bazahura yaherukaga gusezererwa muri CAF Champions league na MC Alger yo muri Algeria.
Umukino ubanza uteganyijwe kuba ku wa 14 Gashyantare, mu gihe uwo kwishyura uzaba ku wa 21 Gashyantare.
Uko tombora yose ya CAF Confederation Cup yagenze
