Ikipe y’Igihugu y’umupira w’amaguru (Amavubi) y’abatarengeje imyaka 17 y’amavuko, yahushije penaliti ebyiri mu irushanwa ry’Akarere ka Afurika y’Iburasirazuba (CECAFA U17).
Ni nyuma y’aho iyi kipe yanganyaga ubusa ku busa (0-0) n’ikipe y’igihugu ya Djibouti, mu mukino wabereye kuri Sitade Mpuzamahanga ya Rubavu izwi nka Umuganda Stadium.
Muri uyu mukino, Amavubi yabonye amahirwe ya penaliti ku munota wa 84 nyuma y’aho umukinnyi wayo Hoziyana yari akorewe ikosa ku munota wa 83. Gusa Sultan Bobo Sibomana yayiteye, umuzamu Osman Youssouf arikuramo.
Mu mukino wa mbere Amavubi yakinnyemo n’ikipe y’igihugu ya Tanzania tariki ya 14 Ukuboza 2020, yatsinzwe ibitego bitatu kuri kimwe (3-1). Kuri uwo mukino yahawe penaliti ebyiri, yinjiza imwe, indi arayihusha.
Ku rutonde rw’itsinda Amavubi yarimo, Tanzania ifite amanota 3 n’ibitego 2 izigamye, Djibouti ni iya kabiri n’inota rimwe (nta gitego izigamye, nta n’umwenda w’ibitego afite), mu gihe Amavubi ari ku mwanya wa nyuma n’inota rimwe, n’umwenda w’ibitego bibiri.
