Umuryango uharanira uburenganzira bwa muntu, HRW, wasohoye kuri uyu wa Kabiri, itariki ya 3 Gicurasi, raporo ishinja abacanshuro b’Abarusiya bo mu kigo cya Wagner Group, kuba barishe, bagakorera iyicarubozo cyangwa bagakubita abaturage muri Gashyantare 2019 n’Ugushyingo 2021 muri Repubulika ya Centrafrica.
HRW muri iyi raporo ikaba yagize iti “Ibimenyetso bifatika” byerekana ko abacanshuro b’Abarusiya bashyigikiye ubutegetsi muri Repubulika ya Centrafrica bakoze “ihohotera rikomeye” ku baturage baho, harimo n’ubwicanyi ndetse n’iyicarubozo, “nta guhanwa” nk’uko iyi nkuru dukesha RFI ivuga.
Kuri Lewis Mudge, umuyobozi wa HRW muri Afurika yo hagati ngo, nta gushidikanya ku nkomoko y’abo bantu bitwaje intwaro, nubwo ibikorwa byabo muri iki gihugu bitagaragara neza. “Abanya-Centrafrica bashoboye cyane gutandukanya ingabo z’abanyamahanga n’iz’ikindi gihugu nk’u Bufaransa, n’ingabo zivuga Ikirusiya, zizenguruka mu modoka z’u Burusiya, bambara imyenda imwe nk’abasirikare b’u Burusiya bari i Bangui cyangwa i Berengo.”
Ibimenyetso byatanzwe na guverinoma zo mu burengerazuba na Loni
Raporo igaragaza neza isano, rishingiye ku “bimenyetso” byatanzwe na guverinoma zo mu burengerazuba n’impuguke za Loni, hagati y’izo “ngabo z’Abarusiya” na Wagner, nk’uko abibona ngo “zifitanye isano zose rya bugufi na guverinoma y’u Burusiya”.
“Icyaha gikomeye twanditse ni iyica rusange ku ya 28 Nyakanga 2021 mu majyaruguru y’umujyi wa Bossangoa ku manywa y’ihangu ry’abantu badafite imbunda. Twabaruye impfu zigera mu icumi, bishobora kuba icyaha cy’intambara, ” ibi bikaba byavuzwe na Lewis Mudge.
Ati: “Usibye ibyo, twabaruye ifungwa ryinshi, iyicarubozo muri Alindao, i Basse-Kotto, mu nkambi ya gisirikare yari iyobowe n’Abarusiya, bitwaje imbunda, bazengurukana n’ingabo z’igihugu. »
HRW ivuga ko yasabye ibisobanuro guverinoma ya Centrafrica na minisiteri y’ububanyi n’amahanga y’u Burusiya arikokugeza ubwo raporo yasohokaga yari itarahabwa ibisubizo.
U Burusiya ariko bwo bwakunze kwemeza ko abasirikare babwo bari muri Centrafrica bajyanwe no gutoza ingabo za Centrafrica nta kindi cyazijyanye kani ko nta ntwaro zifite.
