Umuyobozi Mukuru wa Polisi y’u Rwanda, CG Felix Namuhoranye, yakiriye Umuyobozi Mukuru wa Polisi ya Uganda, Abbas Byakagaba, n’itsinda ayoboye, bagirana ibiganiro byabereye ku Cyicaro Gikuru cya Polisi y’u Rwanda Kacyiru.
Ibiganiro byabo byibanze ku kurushaho gushimangira umubano usanzweho hagati y’Inzego zombi, ndetse no gukomeza ubufatanye mu nyungu z’ibihugu byombi.
Muri ibi biganiro kandi, impande zombi zasinye umushinga wo gushyira mu bikorwa Amasezerano y’Ubufatanye (MoU) yashyizweho umukono mu mwaka ushize.
