Alhamisi hii, mamlaka za Uingereza zimethibitisha kuwa mwimbaji wa Kimarekani Chris Brown amekamatwa kwa kosa la “kujeruhi vibaya mwili wa mtu”, kufuatia ugomvi uliotokea katika klabu ya usiku jijini London mnamo Februari 2023.
Kwa mujibu wa Polisi ya Jiji la London, msanii huyo mwenye umri wa miaka 36 alikamatwa Alhamisi hii akiwa kwenye hoteli jijini Manchester, kutokana na tukio hilo la 2023 jijini London.
Gazeti la The Sun liliripoti kuwa usiku huo, zaidi ya miaka miwili iliyopita, Chris Brown alimshambulia mtayarishaji wa muziki Abe Diaw kwa kutumia chupa, ndani ya klabu maarufu iitwayo Tape, jijini London.
Inatarajiwa kuwa ataonekana mahakamani siku ya Ijumaa, tarehe 16 Mei 2025, kujibu mashtaka yanayomkabili, kwa mujibu wa Polisi wa London.
