Leta ya Denmark kuri uyu wa 11 Werurwe 2021 yahagaritse by’agateganyo gukingira abaturage bayo urukingo rwa Covid-19 rwo mu bwoko bwa AstraZeneca bitewe n’ibibazo bikomeye bikekwa ko rwateje.
Minisiteri y’Ubuzima ya Denmark mu nkuru ya Telegraph yavuze ko iki cyemezo cyatewe “na raporo z’ibibazo bikomeye byo kuvura kw’amaraso mu bantu bahawe urukingo rwa AstraZeneca.”
Iyi Minisiteri ivuga ko itahamya niba uku kuvura kw’amaraso kwaba gufitanye isano n’uru rukingo. Ikigiye gukurikikiraho ni ugukora iperereza kugira ngo imenye impamvu ibiri inyuma.
Iki gihugu gihagaritse urukingo rwa AstraZeneca nyuma ya Autriche, na yo yabitewe n’urupfu rw’umugore w’imyaka 49 y’amavuko wagize ikibazo cyo kuvura n’amaraso nyuma yo kuruterwa.
Ibiro bikuru bishinzwe umutekano mu by’ubuvuzi muri Autriche (BASG) byafashe iki cyemezo tariki ya 7 Werurwe 2021, byatangaje ko bigiye gukora iperereza kugira ngo bimenye niba kuvura kw’amaraso kwaba gufitanye isano n’uru rukingo.
Kurikira ibiganiro n’amavidewo binyura kuri Bwiza TV
2 Responses
Denmark yahagaritse urukingo rwa AstraZeneca
Ariko ko ubanza izi nkingo z’ Astrazaneca ari mbi??? Imana yo mu Ijuru Iturengere pe !
Denmark yahagaritse urukingo rwa AstraZeneca
Ariko ko ubanza izi nkingo z’ Astrazaneca ari mbi??? Imana yo mu Ijuru Iturengere pe !