Inteko Ishinga Amategeko mu Gihugu cy’u Burundi yatangaje ko umudepite witwa Manirambona Prosper yaraye apfuye mu ijoro ryo kuwa Kabiri tariki ya 4 Kamena 2024.
Depite Manirambona Prosper watorewe kuba intumwa ya rubanda mu Ntara ya Muramvya yapfuye nyuma y’impanuka ikomeye yanahitanye umushoferi we ndetse n’umupolisi wari ushinzwe kumurindira umutekano .
Depite Manirambona Prosper wabaye intumwa ya Rubanda muri Werurwe 2020 yapfiriye mu mpanuka yabereye muri Komini Bucyeye nkuko byemejwe Guverineri w’iyo Komini Euphrem Ndikumasabo.
Yagize ati ” Twakiranye umubabaro urupfu rutunguranye rwa Nyakwigendera Hon .depite Manirambona Prosper.Turihanganisha umuryango we n’aba Muramvya.Tuzajya tumwibukira Ku rukundo kuvugisha ukuri no kuvugira abaturage bafite ibibazo bitandukanye.
